اسرار فقدان الدهون مع الحفاظ على الكتلة العضلية حتى لا يقل الحرق

♠ اتكلمنا المرة اللى فاتت عن الفرق الشاسع بين ال فقدان الدهون وخسارة الوزن !

💟 النهاردة زى ما وعدتكم حتكلم بالمختصر المفيد عن كيفية فقدان الدهون مع الحفظ على الحجم العضلى ✋✋

 اسرار فقدان الدهون مع الحفاظ على الكتلة العضلية حتى لا يقل الحرق

♦ حتكلم فى عدة نقط علشان الشرح يكون سهل وواضح للجميع ✌

⛔ اى خسارة للوزن او فقدان للدهون بيتعمل محتاج انى اخلق فجوة بين السعرات اللى داخلة جسمى وبين السعرات اللى خارجة دا بالبلدى كدة يعنى --- بمعنى انى محتاج ادخل سعرات اقل من السعرات المستهلكة علشان يحدث نقص فى الوزن ✋✋

⛔ المشكلة بقا فين ؟؟ 
نمسك المشكلة 😀😀 وهى ان الجسم لما بقلل فى السعرات طبيعى هيحتاج مصدر تانى للطاقة ودا حقه طبعا محدش يقدر يلومه 😂😂😂 كلنا فاكرين انه حديخل على الدهون يحرقها صح ؟

للاسف مش دا اللى بيحصل 👎👎

♦ اللى بيحصل ان الجسم عندة ياخد حاجته من (الانسجة العضلية) اسهل من انه ياخدها من الدهون المخزنة فى الجسم -- بمعنى ان الجسم اسهل عندة انه يكسر ويهدم عضلاتك من انه يستهلك دهون جسمك المخزنة --- حتقولى ليه؟ حقولك دى حكمة ربنا اعترض بقا 😂😂

♦ طب هو احنا زعلانين ليه ما يحرق عضل المهم الميزان.. اية المشكلة ؟ !!
ممكن حد يخطر على باله السؤال دا مثلا 😒😒

الإجابة ان كل ما الحجم العضلى قل فى الجسم كل ما الحرق ما حيقل فى الجسم .

يعنى BMR حيقل يعنى دى مصيبة يعنى اقل اكل بعد كدة حيتخنك 😉😉

(((( علشان كدة لما حد بيعمل رجيم قاسى ويرجع ياكل بعدها اكل عادى بيتخن الضعف لانه بيكون خسر عضل مش دهون وبالتالى الحرق قل وبالتالى حيزيد اكتر وحيتخن اكتر ... ولفى بينا يا دنيا 😀😀😀 ))))

⛔⛔ طب الحل هنا اية ؟
الحل اننا ندى تنبيه للجسم انه يسيب العضلات ويدخل على الدهون 💪💪

طب دا الزاى ؟؟

حنسرد الزاى نقدر نعمل كدة فى الكام نقطة القادمة:

⭕ ما تقللش سعراتك اوى يعنى مش معقول يكون الاحتياج بتاعك 3000 سعره وتنزل بيها ل 1000 سعره دا وش حيبقا خسارة وزن مش فقدان دهون وحتخسر او تخسرى عضل --- خليكوا فى الامان ننزل بالسعرات 20% فقط وفى الاخر حتلاقوا المتوسط بتاعها 500 سعره ✋✋ يعنى قلل 500 او 600 سعره بس عن سعرات الثبات .

يعنى لو حسبت سعراتك وطلعت 2000 خلينا نمشى على 1500 سعره دا حيبقا حلو اوى .

حنخس من نص كيلو الى كيلو فقط فى الاسبوع ودا المعدل الطبيعى وفقا WHO (منظمة الصحة العالمية ) وحيبقا فقدان صحى للدهون مش خسارة عضل ز

⭕ تانى نقطة مهمة وهى الاهتمام بالبروتين --- كل بروتين كفاية 
بالمختصر يعنى خد 1.6 من وزن جسمك ولو الرجيم قاسى شوية بمعنى لو مقلل من الكارب والدهون اوى ومعدل نشاطك عالى يبقا  2.2 لكل كيلو جرام من جسمك.

لو وزنك عالى اوى احسب الكلام دا على الكتلة الغير دهنية ( يعنى وزنك من غير دهون) .

بالنسبة للبنات قللى شوية عن النسب دى ببساطة لان الحجم العضلى عندك نسبتة حيكون اقل من الرجالة فحتحتاجى بروتين اقل شوية.

♠ ملحوظة هامة:
مرضى الكلى والكبد والنقرس ممنوع ليهم يستهلكوا بروتين اكتر من 10% من مجموع سعراتهم .

⭕ تمارين المقاومة ( الحديد ) مهمة جدا جدا فى العملية لانى بدى تنبيه للجسم انى محتاج العضلات فبقوله كدة بالبلدى فكك منها انا محتاجها لانى بشيل حديد بيها --- عوض نقص السعرات من الدهون ✋✋

⭕ قلل شوية من ال volume فى الحديد يعنى لو بتتمرن مثلا 6 ايام فى الاسبوع خليهم 5 ايام لو بتاخد مثلا 5 مجمايع او 4 خليهم 3 وهكذا ✋✋

ببساطة علشان الجسم اثناء ال recovery بيحتاج يستهلك سعرات اكتر علشان يصلح التلف علشان يبنى العضلات .

⭕ اهم وجبتين فى اليوم وجبة قبل التمرين ووجبة بعد التمرين بالذات وانت عامل diet -- استهلك فى الوجبتين دول معظم سعراتك 👌👌

 وجبة قبل التمرين استهلك فيها بروتين وكارب معقد ودهون نافعة ووجبة بعد التمرين بروتين وكارب سريع وحبقا اقولكم ليه بعدين فى موضوع منفصل 😉😉

⭕ بالمختصر كدة وحبقا اتكلم فى بوست منفصل عن الموضوع دا امشى على نظام ال carb cycling او Intermittent fasting ويا سلام لو تمشى على الاثنين تبقا بطل 💪💪

نظام الصيامى العكسى اسهل حاجة تصوم 16 ساعة وتاخد سعراتك فى 8 ساعات بالنسبة للبنات صيام 14 ساعة فطار 10 ساعات ✋✋

⭕ كل اسبوع او 10 ايام خد وجبة واحدة فرى ( يفضل انك اليوم دا تاخد سعراتك فى الثبات كاملة او زيادة شوية صغيرة ) بالبلدى فرى بس محسوب مش فرى مفتوح ).

⭕ قلل من الكارديو العالى الشدة وخليك فى المتوسط زى المشى السريع مثلا روعة 💪💪

finally but not least eat clean ! 😍😍

ياريت اكون قدرت اوصل المعلومة ✋

#كابتن_فيجو

خبير التغذية العلاجية