عيوب الميزان وال BMI مؤشر كتلة الجسم

♦ مبدئياً الميزان دا من افشل المقاييس فى الدايت ✋ يعنى الميزان تستخدموه فى وزن ربع فرخة -- 100 جرام بروكلى -- 100 جرام رز 😂😂😂 هو دا اخره معانا .

⛔ الميزان ليه فاشل طب ؟
هو مش فاشل بس هو من افشل المقاييس 😂😂 -- زى ما اتكلمنا فى النقطة دى قبل كدة حنوضحها تانى 👇👇👇👇

♣ النزول على الميزان دا معناه انك يا اما فقدت دهون أو ماء أو عضل أو glycogen المخزن فى الكبد والعضلات ✋✋

♠ طب سيبك من دى خدوا دى:
كثافة العضل اعلى حوالى مرتين من كثافة الدهون 😉😉

♦ يعنى حضرتك وانتى بتعلبى رياضة وحاطة الميزان قدامك يا اما هيجيلك احباط يا اما حتتجننى لانك طبيعى حتبقى فى فقدان دهون مش خسارة وزن وبالتالى انتى احتمال كبير تزيدى عضل وتخسرى دهون --- يعنى مقاساتك وجسمك حيتظبطوا كتير ولكن وزنك حيكون ثابت على الميزان واحتمال كبير لو جينتاتك حلوة حتيزدى على الميزان كمان 😀😀

⛔ الناس بقا اللى معتمدة على الميزان وبتوزن كل يوم أو اسبوع انتوا مدركين انكوا ماشيين غلط ولا لسه ✋✋

(((( تانى الميزان دا مقيياس فاشل للجميع بالاخص الرياضين ))))

⛔ ندخل على تانى افشل مقياس وهو BMI مؤشر كتلة الجسم

المؤشر دا لا يصلح لفئتين وهما :
♠ الرياضين
♠ كبار السن

♦ بالنسبة للرياضين هو فى الغالب بيحسب كتلة بدون تفاصيل بعكس مثلا ال inbody بيقولك ال body composition وجسمك فيه عضل وماء وفات قد اية .. إلخ

⛔ يعنى من الاخر فى كثير من الاحيان لاعبى رياضة الحديد ال BMI حيطلعهم وزنهم زيادة او بيعانوا من السمنه كمان لو شاب عندة عضلات كتير ✋✋

⛔ فى حين ان الزيادة دى على المؤشر عضلات مش دهون وهى زيادة صحية بس هو بيطلعك تخين 😉😉 

⛔ يعنى حد زى البيج رامى مثلا حيطلعه عندة سمنة من الدرجة الثالثة ههههههههه يبقا مقياس فاشل ولا مش فاشل 😉😉

♦ بالنسبة بقا لكبار السن فى الغالب يحدث العكس 👇👇
كبار السن بيحصل عندهم ضمور فى العضلات و خسارة فى كثافة العظام وباتالى مؤشر كتلة الجسم حيطلعهم طبيعين على الرغم من انهم وزنهم زايد او obese

ببساطة كدة لان اغلب جسمهم دهون بس مش باين على المؤشر لان حجم العضلات والعظام قليل وبالتالى الميزان قليل --- والميزان هو جزء لا يتجزأ من معادلة ال BMI 😂😂

♦ الخلاصة :

افضل المقاييس لنجاح الدايت هى المقاسات وشكل جسمك و inbody ✋✋

#كابتن_فيجو