19 نصيحة للمبتدئين فى عالم الدايت

1- الموز والفراولة والعنب والمانجا والبطيخ والمكسرات حتى زيت الذرة ..إلخ مش من الممنوعات فى الدايت طالما ضمن سعراتك وضمن الماكروز بتاعك ✋✋✋

2- الفيصل الاهم فى خسارة الوزن هو العجز فى السعرات الحرارية ✅

3- دايت من غير رياضة مقاومة يعنى احتمال كبير خسارة عضلات مع الدهون يعنى الحرق حيقل ✖️

 

4- تانى لو عايز تخس اعمل عجز فى السعرات الحرارية مش تروح تجرى ساعتين على التريد ميل 🔕

5- كثرة شرب الماء بتعلى الحرق ♨️♨️

6- النوم بردى بيعلى الحرق ♨️♨️

7- تمارين المقاومة ( الحديد ) او بوزن الجسم بتزود الحجم العضلى وبالتالى بتعلى الحرق ♨️♨️

8- فى اغذية اسمها ال functional foods فى منها حاجات مفيدة للتخسيس زى الشاى الاخضر وفى حاجات مفيدة للقلب والصحة ..إلخ وحبقا اعمل موضوع عنها إن شاء الله ☝️

9- الساونا مش بتخسس والعرق دا آليه لترطيب الجسم فقط 😲

10- فقدان الدهون بيكون عن طريق العجز فى السعرات أو الصيام أو ان مجهودك يكون اكتر من سعراتك 🏃🏃

11- اه ممكن تخس وتبنى عضلات بس بصورة بطيئة مش زى ال bulking مثلا 💪💪

12- وانت بتعمل دايت لازم تهتم بالفيتامينات والمعادن علشان ما تتعبش وتقدر تكمل وكمان نقص بعض الفيتامينات حيعرضك انك ما تخسش خالص زى نقص فيتامين د مثلا 🙆🙆

13- اهم حاجة التنويع فى الاكل علشان تحصل على كل الفوائد وجسمك يخس اسرع بصورة صحية 💃💃

14- ما ينفعش تروح الجيم كل يوم لازم تريح يومين او يوم على الاقل لو مستواك متقدم علشان ال recovery ✋

15- وجبة قبل التمرين دى مهمة علشان حتديك الباور فى التمرين وهتحسن ادائك وبالتالى زيادة عضلية وبالتالى الحرق حيزيد وبتكون قبل التمرين بساعة ونص كويس وكمان وجبة بعد التمرين اهم لان اثناء التمرين بيحدث تلف فى العضلات وفقدان للكثير من الاملاح والمعادن فلازم وجبة كاملة بعد التمرين على طول تعوض وتبنى ✋💪

16- الاكل بالليل مش بيتخن طالما اكل صحى وضمن سعراتك 🔈

17- ممكن تاكل اكل ضار وتخس لو اكلت اقل من سعراتك بس عمرك ما حتعمل فورمة لان الاكل الضار قيمتة الغذائية قليلة واللى بيعمل عضل هو البروتين والقيمة العالية فى باق الماكروز 🍕🍕

18- مافيش دايت احسن من دايت يعنى ولا الكيتو احلى ولا ال low carb ولا ال high carb ...إلخ افضل دايت هو اللى تقدر تستمر عليه فترة طويلة لان النتائج بتحتاج وقت والعبرة فى اللى بيستمر 🐸🐸

19- الجسم بيحرق وهو نايم لان فى حاجة اسمها ال BMR ودا معدل الحرق بدون حركة علشان قلبك يدق وتتنفس .. الحرق حيقف فقط عندما تتوقف الاجهزة الحيوية عن العمل ونقابل رب كريم ✋✋

#كابتن_فيجو