ما هو الفرق بين الوجبة الفري وبين الريفيد فى الرجيم

⛔ حتكلم النهاردة عن موضوع مهم جدا وهو الفرق بين الوجبة الفري وبين الريفيد 🎂🎂🎂

♦ الوجبة الفرى او ال cheat meal أو اليوم الفرى يوم التخبيص زى ما تحبوا تسموها 😃😃😃
 
♣ دى وجبة بتتعمل فى الغالب كل اسبوع او 10 ايام بناكل فيها junk food عادى أو اى نوع اكل حتى لو كان ضار ولكن فى حدود وجبة واحدة فقط مش يوم كامل 😉😉
 

ما هو الفرق بين الوجبة الفري وبين الريفيد فى الرجيم

 
♦ اما الريفيد أو refeeding مختلف وهو بيكون عن طريق انى بعلى كارب وبروتين فقط 

♠ بفتح رز او عيش او مكرونة مثلا وبزود من البروتين معاهم والاكل بيكون صحى زى ماهو بعكس الوجبة الفرى ✋

⭕ ولو انا ملتزم فى الدايت خلال فترة مثلا 11 يوم ممكن اخد يومين ريفيد او ثلاثة كمان لو حاسب سعراتى كويس ✋

👈 ولكن بشرط ان لا يتعدى الكارب 300 جرام فى اليوم ( يفضل يكون بين 200 الى 300 جرام) 

(( لو حعمل ريفيد بعد 6 ايام يبقا يكفى يوم واحد فقط ))

⛔ طب انهى الافضل الوجبة الفرى ولا الريفيد ؟ 🐸🐸🐸

♠ على حسب ملهاش قاعدة لو نفسيتك مدمرة من الدايت ونفسك فى وجبة تفك اسرك اكيد الوجبة الفرى افضل ليك 😂😂

لو انت خلاص جسمك اخد على الاكل الصحى ومبقاش ليك نفس للأكل الضار خلاص يبقا الريفيد ليك افضل ✌✌

⛔ طب انا ولا عايز وجبة فرى ولا ريفيد ينفع ؟
لا غلط وحقولك ليه فى كذا نقطة 👇👇👇

1 - من عيوب الدايت انه بيقلل الحرق على المدى الطويل فالوجبة الفرى أو الريفيد بيخدع الجسم انه مش ماشى على الدايت فالحرق يرجع يزيد تانى لان الجسم لو فضل على دايت لفترة طويلة الجسم بيأقلم نفسه على السعرات الجديدة ( القليلة ) فبعد فترة من الدايت حتلاقى وزنك ثبت للأسف 😟

2- اثناء الدايت الجسم بيفتقد للعديد من العناصر الغذائية والوجبة الفرى او الريفيد بيعوض الجسم بالعناصر دى تانى 🐣

3 - كسر ملل الرجيم 😁

4- عادة فى اغلب الرجيمات بتكون low carb ودا بيخلى عضلاتك همدانة وكانها مسطحة وهنا الوجبة الفرى او الريفيد يساعدوا على ملء مخازن الجلايكوجين فى العضلات تانى والبامب يرجع تانى وفى حالة الدايت ال low carb انا انصح بالريفيد لانك ممكن تاخد وجبة فرى كلها دهون وقليلة فى الكارب وبكدة انت حتبقا ما استفتدتش كتير 😉😉

⛔ طب الزاى نطبق الوجبة الفرى أو الريفيد علشان فى ناس بتعمله غلط ؟
الصح انه يكون بحساب كالاتى 👇👇👇👇

♦ احنا نحسب سعراتنا عادى فى ال maintenance السعرات يعنى بتاعة ثبات الوزن وناخدها كلها او زيادة عنها شوية مثلا 300 أو 400 سعره ✋✋

👈 يعنى مثلا واحد ليه 1700 سعره فى الثبات ياخد 2000 سعره كويس خلال اليوم داخل فيهم طبعا الوجبة الفرى ✋

او ال 2000 سعره فى حالة الريفيد مثلا حيبقوا 250 جرام كارب
150 جرام بروتين
45 جرام دهون

⛔ ملحوظة هامة
وفقا لاخر الابحاث اقصى مدة بدون وجبة فرى او ريفيد بالذات لو الدايت قاسى هى 11 يوم بعد كدة لازم نفصل بوجبة فرى او يومين ريفيد ✋✋


#كابتن_فيجو
خبير التغذية العلاجية