الزاى تخس وتخسر وزنك ؟

🔰 اهم حاجة فى التخسيس هى السعرات حتى ولو باكل اكل ضار لو اخدت اقل من سعراتى هخس بس طبعا مش حتوصل لل shape اللى انت عايزة 😉😉

الزاى تخس وتخسر وزنك

🔰 وممكن اقلل من سعراتى وما العبش رياضة ولا كارديو واخس بردوا فى حالة لو اخدت اقل من سعراتى بس بردوا الدهون مش حتتوزع صح وهخس اه بس شكل جسمى مش حيبقا حلو بس فى النهاية هخس 😉😉

🔰 اهم حاجة فى الرجيم انى اخد سعرات اقل من سعراتى علشان الجسم يبحث عن مصدر طاقة فياخد الطاقة دى من الدهون المخزنة دا ببساطة جدا يعنى تعريف الرجيم

🔰 طب الزاى احسب سعراتى؟؟
فى مواقع وتطبيقات كتير جدا بتوفر الخدمة

اكتب بس فى جوجل حاسبة السعرات الحرارية وحتلاقى مواقع كتير جدا

🔰 لا ينصح بتقليل السعرات اكتر من 1000 سعره (ساعتها حتعمل بالظبط زى اللى اخد الدواء مرة واحدة علشان يخف بسرعة والموضوع حيقلب بالعكس والجسم حيثبت ) -- اخر دراسة قالت ان الحد الادنى للبنات فى اليوم 1200 سعره والحد الادنى للشباب 1500 سعره فى اليوم ✋✋

🔰 طيب حقسم ال 1500 سعره دول الزاى مثلا 👇👇

اول حاجة بحسبها هى البروتين ولو مافيش امراض فى الكلى او الكبد فى الغالب باخد بروتين عالى علشان يحافظ على الحجم العضلى ونخسر دهون فقط يعنى باخد حوالى 1.6 الى 2.2 من وزن الجسم بروتين ومن 15 الى 30% دهون صحية والباقى بيكون كارب

🔰 ملاحظة :
جرام البروتين والكارب = 4 سعره
جرام الدهون = 9 سعره

🔰 بعد كدة بتنزلوا تطبيق سعراتى أو تطبيق Myfitnesspal علشان تقدروا تدخلوا الوجبات بتاعتكم عليه وتحسبوا السعرات والماركوز ( البروتين - الكارب - الدهون ) 😍😍

🔰 بس مع ساعة كل يوم رياضة ويفضل طبعا زى ما قولنا رياضة مقاومة (حديد) 💪 💪💪 فى الجيم والكلام للولاد والبنات .... والبنات ما تخافش عمرك ما حتعملى عضل زى الرجالة دى إشاعة وهبد ما تخافيش ✋✋

🔰 واللى مش قادر يروح الجيم ينزل تطبيق 30 day fitness challenge وحيساعده كتير جدا فى تمارين البيت (تمرين مقاومة بردوا)

🔰 مع نص ساعة كارديو 5 مرات فى الاسبوع حتى ولو مشى حتفرق جدا معاكوا

🔰 يا سلام بقا لو زودنا الحركة الغير رياضية بتاعتنا زى مثلا بدل ما نركب اسانسير نطلع السلم وبدل ما نروح مشوار قريب بالعربية ناخده مشى ونزود الحركة العادية بدون رياضة يعنى ساعتها حتلاقوا نتائج سريعة جدا 

 ----------------------------------------------

للإستفسار عن اسعار المتابعة الخاصة اونلاين يرجى التواصل واتساب فقط 01207188671 - 002
الاعتماد على الدايت والرياضة فقط

#كابتن_فيجو
حاصل على دبلومة التغذية العلاجية بتقدير امتياز
مصدقة من جامعة عين شمس