مجموعة من النصائح للمبتدئين فى عالم الدايت

🔰 الموز والفراولة والعنب والمانجا والبطيخ والمكسرات حتى زيت الذرة ..إلخ مش من الممنوعات فى الدايت طالما ضمن سعراتك وضمن الماكروز بتاعك ✋✋✋

🔰 الفيصل الاهم فى خسارة الوزن هو العجز فى السعرات الحرارية ✅

مجموعة من النصائح للمبتدئين فى عالم الدايت

🔰 دايت من غير رياضة مقاومة ( حديد او سويدى) يعنى احتمال كبير خسارة عضلات مع الدهون يعنى الحرق حيقل ✖️

🔰 تانى لو عايز تخس اعمل عجز فى السعرات الحرارية ما تروحش تجرى ساعتين على التريد ميل 🔕

🔰 كثرة شرب الماء بتعلى الحرق ♨️♨️

🔰 النوم بدرى بيعلى الحرق ♨️♨️

🔰 تمارين المقاومة ( الحديد ) او بوزن الجسم بتزود الحجم العضلى وبالتالى بتعلى الحرق ♨️♨️

🔰 الشاى الاخضر والقهوة بيعلوا الحرق حوالى 3 الى 4% فقط يعنى ما نضربش طول اليوم بيتزا ومولتن كيك وفى الاخر نشرب شاى اخضر مش حيجب نتيجة 😂

🔰 الساونا مش بتخسس هى بتساعد شوية على التخلص من الماء والسموم وتحسن الدورة الدموية فقط 

🔰 فقدان الدهون بيكون عن طريق العجز فى السعرات أو ان مجهودك يكون اكتر من سعراتك (عجز السعرات بالرياضة يعنى ) 🏃🏃

عادى تقدر تعمل عضلات اثناء الدايت

🔰 وانت بتعمل دايت لازم تهتم بالفيتامينات والمعادن علشان ما تتعبش وتقدر تكمل وكمان نقص بعض الفيتامينات حيعرضك انك ما تخسش خالص زى نقص فيتامين د مثلا 🙆🙆

🔰 اهم حاجة التنويع فى الاكل علشان تحصل على كل الفوائد وجسمك يخس اسرع بصورة صحية 💃💃

🔰 وجبة قبل التمرين دى مهمة علشان حتديك الباور فى التمرين وهتحسن ادائك وبالتالى زيادة عضلية وبالتالى الحرق حيزيد وبتكون قبل التمرين بساعة ونص كويس وكمان وجبة بعد التمرين اهم لان اثناء التمرين بيحدث تلف فى العضلات وفقدان للكثير من الاملاح والمعادن فلازم وجبة كاملة بعد التمرين على طول تعوض وتبنى ✋💪

🔰 الاكل بالليل مش بيتخن طالما اكل صحى وضمن سعراتك 🔈

🔰 ممكن تاكل اكل ضار وتخس لو اكلت اقل من سعراتك بس عمرك ما حتعمل فورمة لان الاكل الضار قيمتة الغذائية قليلة واللى بيعمل عضل هو البروتين والقيمة العالية فى باقي الماكروز 🍕🍕

🔰 مافيش دايت احسن من دايت يعنى ولا الكيتو احلى ولا القليل النشويات ولا الدايت العالى فى الكارب...إلخ افضل دايت هو اللى تقدر تستمر عليه فترة طويلة لان النتائج بتحتاج وقت والعبرة فى اللى بيستمر 🐸🐸

🔰 الجسم بيحرق وهو نايم لان فى حاجة اسمها ال BMR ودا معدل الحرق بدون حركة علشان قلبك يدق وتتنفس .. الحرق حيقف فقط عندما تتوقف الاجهزة الحيوية عن العمل ونقابل رب كريم ✋✋

----------------------------------

للإستفسار عن اسعار المتابعة الخاصة اونلاين يرجى التواصل واتساب فقط 01207188671 - 002
الاعتماد على الدايت والرياضة فقط

#كابتن_فيجو
حاصل على دبلومة التغذية العلاجية بتقدير امتياز
مصدقة من جامعة عين شمس