ما هو الفرق بين الدهون الحشوية والدهون تحت الجلد

🔰 الدهون الحشوية والدهون تحت الجلد

اولا من الصحى ان يكون لديك بعض الدهون بس مش بنسبة كبيرة طبعا .

فى كذا نوع من الدهون مثلا الحشوية وهى اللى موجودة فى تجويف البطن وبتكون قريبة من الاعضاء الحيوية زى الكبد والمعدة والامعاء مثلا ومن الممكن ان تتراكم فى الشرايين بردوا والدهون دى بتكون خطيرة لانها بتكون سبب لامراض مزمنة كتير

حلو كدة طب الدهون اللى تتحت الجلد اظن سهلة وباين المقصود بيها اية وهى الدهون المرئية اللى تقدر تشوفها فى الذراع والرجل وحتى الكرش بعكس الدهون الحشوية لا يمكن رؤيتها

 ما هو الفرق بين الدهون الحشوية والدهون تحت الجلد

 

🔰 طب بما ان الدهون الحشوية دى غير مرئية الزاى نقسها ؟

الطريقة الوحيدة لتشخيص الدهون الحشوية بشكل نهائي هي التصوير المقطعي أو التصوير بالرنين المغناطيسي. ومع ذلك ، فهذه إجراءات مكلفة وتستغرق وقتًا طويلاً.

طب البديل سهل خالص وفقا لجامعة هارفارد احنا نحسب نسبة الدهون فى الجسم كله وناخد منها 10% ودول حيكونوا بالتقريب الدهون الحشوية

اللى مش عارف يحسب نسبة دهونه الزاى يدخل على جوجل ويكتب حاسبة نسبة الدهون فل

🔰 طب فى طريقة تانية سهلة خالص نروح نقيس الوسط بالمازورة بالنسبة للراجل لو وسطة 88 سم او اكتر يبقى كدة هو معرض لخطر المشاكل الصحية بسبب الدهون الحشوية والسيدات لو وسطهم 102 سم او اكتر نفس الكلام

الكلام دا بردوا وفقا لجامعة هارفارد

🔰 زى ما قولت من شوية ان الدهون الحشوية دى خطيرة وتسبب امراض كتير زى

النوبات القلبية وأمراض القلب
داء السكري من النوع 2
السكتة الدماغية
سرطان الثدي
سرطان قولوني مستقيمي
مرض الزهايمر

طب اية اللى بيسبب الدهون سواء حشوية او تحت الجلد؟

اكيد الانتخه وكتر الاكل 😂 شئ بديهى يعنى او الحظر يعنى 😂

طبعا بجانب لاسباب تانية ضعف العضلات مثلا او فى سكرى او مقاومة انسولين ..الخ

ملحوظة بردوا علشان الناس اللى عندها هوس بتقليل نسبة دهونها اوى لدرجة ممكن تكون خطيرة فمثلا اى فائدة الدهون تحت الجلد

إنها الطريقة التي يخزن بها جسمك الطاقة.
يعمل كبطانة لحماية عضلاتك وعظامك من تأثير الصدمات أو السقوط.
وهو بمثابة ممر للأعصاب والأوعية الدموية بين جلدك وعضلاتك.
يعزل جسمك ، مما يساعد على تنظيم درجة الحرارة.
يربط الأدمة بالعضلات والعظام بأنسجته الخاصة.

🔰 طب لما الدهون تحت الجلد تزيد بردوا بتكون خطيرة وممكن تسبب

أمراض القلب والسكتات الدماغية
ضغط دم مرتفع
داء السكري من النوع 2
أنواع معينة من السرطان
توقف التنفس أثناء النوم
مرض الكبد الدهني
مرض الكلية

طب قبل ما اقول الحلول للتخلص من الدهون دى سواء حشوية او تحت الجلد احنا بردوا نقدر نحدد نسبة الدهون عن طريق حاسبة نسبة الدهون وبردوا حتلاقوها فى عمو جوجل 😂

🔰 طب الزاى نتخلص من الدهون
اسهل طريقة طبعا انكوا تتابعوا معايا دايت ورياضة ورياضة ودايت 😂

الطريقة التانية
هى اتباع دايت محسوب السعرات الحرارية لانك لازم علشان تفقد دهون انك تاخد سعرات اقل من احتياجك

نحاول يكون الدايت مش قاسى يعنى للسيدات ما بقلش عن 1200 والرجال ما يقلش عن 1500

يكون فى نسبة بروتين عالية من 30 الى 35% من سعراتك

يكون فين نسبة الياف وفيتامينات ومعادن عالية

وعلشان تنجزوا اقطعوا سكر ابيض وحلويات ودهون غير صحية خالص وخلوا الدايت كله اكل صحى فقط

🔰 بالنسبة للرياضة
تمارين مقاومة طبعا سواء حديد او سويدى فى البيت حتزود الطتلة العضلية وتشد الجسم والحرق حيزيد اوى

شوية تمارين كارديو زى الجرى او المشى السريع او نط الحبل ..الخ

مع الحركة الغير رياضية زى المشى او الحركة العادية بدون رياضة

🔰 ملحوظة هامة جدا
الدهون الحشوية فى الغالب بتُفقد قبل الدهون تحت الجلد علشان كدة ممكن تبقى ماشى على دايت ورياضة ومتلاقيش نتيجة ظاهرة اوى غير بعد مرور فترة مش ثابتة يعنى ممكن كام يوم او كام اسبوع ومرة واحدة تلاقى النتائج ظهرت بدون مقدمات وبسرعة
يعنى العبرة فى ظهور النتائج بالاستمرارية